Dwadash Adhyaya Mein Hai Maa Ka Ashirwadh

Suno Raja Tum Mann Laga Devi Dev Samvadh

Maha Lakshmi Boli Tabhi Kare Jo Mera Dhyaan

Nish Din Mere Namo Ka Jo Karta Hai Gaan

Baadhayein Ushki Sabhi Karti Hoon Main Dur

Ushke Grah Sukh Sampati Karti Hoon Bharpur

Ashtmi, Navmi, Chaturdashi Karke Ekagra Chitt

Mann Kram Vani Se Kare Path Jo Mera Nitt

Ushke Paap Ve Papon Se Uttpann Huye Klesh

Dukh Daridrata Sabhi Main Karti Dur Hamesh

Priye Janno Se Hoga Na Ushka Khabi Viyog

Ushke Har Ik Kaam Mein Doongi Main Sahyog

Shatru, Daku, Raja Aur Shastra Se Bach Jaye

Jal Mein Vo Dube Nahi Na Hi Agni Jalaye

Bhakti Purvakh Path Jo Padhe Ya Sune Sunaye

Maha Mari Bimari Ka Kasht Ne Koi Aaye

Jish Ghar Mein Hota Rahe Mere Path Ka Jaap

Ush Ghar Ki Raksha Karoon Mett Sabhi Santaap

Gyan Chahe Agyan Se Jape Jo Mera Naam

Ho Prasann Ush Jiv Ke Karoon Main Purnn Kaam

Navratron Mein Jo Padhe Path Mera Mann Laye

Bina Yatnn Kine Sabhi Manvanchhit Phal Paye

Putra Potra Dhan Dhaan Se Karoon Usse Sampann

Saral Bhasha Ka Path Jo Padhe Laga Kar Mann

Bure Swapna Grah Dasha Se Doongi Usse Bacha

Padhega Durga Path Jo Shradha Prem Badha

Bhoot Pret Pishachani Ushke Nikat Ne Aaye

Apne Dridd Vishwash Se Path Jo Mera Gaye

Nirjan Ban Sinh Vyadh Se Jaan Bachaoon Aan

Rajye Aagya Se Bhi Ne Hone Doon Main Kabhi Nuksaan

Bhanwar Se Bhi Bahar Karoon Lambi Bhuja Pasaar

Chaman Jo Durga Path Padh Karega Prem Pukaar

Sansari Vipattiyan Deti Hoon Main Taal

Jishko Durga Path Ka Rehta Sadha Khyaal

Main Hi Ridhi Sidhi Hoon Mahakali Vikraal

Main Hi Bhagwati Chandika Shakti Shiva Vishal

Bhairon Hanumat Mukhye Gan Hai Mere Balwaan

Durga Pathi Pe Sada Karte Kripa Mahan

Itna Keh Kar Devi To Ho Gai Antar-Dhyan

Sabhi Devta Prem Se Karne Lage Gun Gaan

Pujan Kare Bhawani Ka Muh Manga Phal Paye

Chaman Jo Durga Path Ko Nitt Shradha Se Gaye

Vardati Ka Har Samay Khula Rahe Bhandaar

Ikhchhit Phal Paye Chaman Jo Bhi Kare Pukaar

Ikish Din Ish Path Ko Karle Niyam Banaye

Ho Vishwash Attal To Vakye Sidh Ho Jaye

Pandrah Din Ish Path Mein Lag Jaye Jo Dhyaan

Aane Wali Baat Ko Aap Hi Jaye Jaan

Nau Din Shradha Se Kare Nav Durga Ka Path

Nav Nidhi Sukh Sampatti Rahe Vo Shahi Thaath

Saat Dinno Ke Path Se Bal Budhi Badh Jaye

Teen Dinno Ka Path Hi Sare Paap Mitaaye

Mangal Ke Din Mata Ke Mandir Kare Dhyaan

Chaman Jaisi Mann Bhavana Vaisa Ho Kalyaan

Shudhi Aur Sachaai Ho Mann Mein Kapat Ne Aaye

Taj Kar Sabh Abhimaan Na Kissi Ka Mann Kalpaye

Sabh Ka Hi Kalyaan Jo Mangega Din Rein

Kaal Karam Ko Parakh Kar Kare Kasht Ko Sahhen

Rakhe Darshan Ke Liye Nish Din Pyase Nayein

Bhagyashali Ish Path Se Paye Sachcha Chain

Dwadash Yeh Adhyaya Hai Mukti Ka Dataar

Chaman Jiv Ho Kar Niddar Utre Bhav Se Paar