Durga Path Ka Doosra, Shuru Karoon Adhyaya

Jiske Sunne Padhne Se, Sab Sankat Mit Jaye

Medha Rishi Bole Tabhi, Sun Rajan Dhar Dhyaan

Bhagwati Devi Ki Katha, Kare Sab Ka Kalyaan

Dev Asur Bhayo Yudh Apara

Mahishasur Daityan Sardara

Yodha Bali Indra Se Bhiryo

Ladyo Varas-Sat Run Te Na Phirio

Dev Sena Tab Bhagi Aayi

Mahishasur Indrasan Payi

Dev Bhrama Sab Kare Pukara

Asur Raaj Liyo Chhin Hamara

Bhrama Devan Sangh Padhare

Aaye Vishnu Shankar Dware

Kahi Katha Bhar Nainan Nira

Prabhu Daitya Asur Bahu Pira

Sun Shankar Vishnu Akulaye

Bhave Tani Mann Krodh Badhaye

Nain Bhaye Traidev Ke Lala

Mukhente Nikiliyo Tej Vishala

Tab Traidev Ki Anggo Se, Nikla Tej Apaar

Jinki Jwala Se Huwa, Ujwal Sab Sansar

Sabhi Tej Ek Ja Mil Jayi

Atul Tej Bal Paroh Lakhayi

Tahi Tej So Pragati Nari

Dekh Dev Sab Bhayoh Sukhari

Shiv Ke Tej Ne Mukh Upjayo

Dharam Tej Ne Kesh Benayo

Vishnu Tej Se Bani Bhujayein

Kuch Mein Chanda Tej Samayein

Nasika Tej Kuber Banai

Agni Tej Trainetra Samai

Brahm Tej Parkash Phailaye

Ravi Tej Ne Hath Benaye

Tej Prajapati Daant Upjaye

Shravan Tej Vayu Se Paye

Sab Devan Jab Tej Milaya

Shiva Ne Durga Naam Dharaya

Aathhas Kar Garji Jab, Durga Aadhi Bhawani

Sab Daven Ne Shakti Yeh, Mata Kar Ke Maani

Shambu Ne Trishul, Chakra Vishnu Ne Dina

Agni Se Shakti Aur, Shankh Varun Se Lina

Dhanush Baan Tarkash, Wayu Ne Benth Chadhaya

Sagar Ne Ratno Ka, Maa Ko Haar Pehnaya

Surya Ne Sab Rom, Kiye Roshan Mata Ke

Vajra Diya Indra Ne, Haath Mein Jagdata Ke

Aerawat Ki Ghanti, Indra Ne De Dali

Singh Himalaya Ne Dina, Karne Ko Savari

Kaal Ne Apna Kharagh Diya, Aur Phir Shish Nivayi

Bhramaji Ne Diya, Kamandal Benth Chadhayi

Vishwakarma Ne Adbudh, Ik Parsa De Dina

Shesh Naag Ne Chhatre, Mata Ki Bhenthan Kina

Vastra Abhushan Nana, Bhanti Devan Pehraye

Ratan Jadith Maiya Ke, Sir Par Mukut Suhaye

Aadhi Bhawani Ne Suni, Devan Vinaya Pukaar

Asuron Ke Sanghar Ko, Hui Sinha Asvaar

Run-Chandi Jwala Bani, Haath Liye Hathiyaar

Sab Devo Ne Mil Tabhi, Kini Jai Jai Kaar

Chali Singh Chadh Durga Bhawani Dev Sena Ko Saath Liye

Sab Hathiyaar Sajaye Run Ke Ati Bhayanak Roop Kiye

Mahishasur Rakshas Ne Jab Yeh Samachar Unka Paya

Lekar Asuron Ki Sena Jaldi Run-Bhumi Mein Aaya

Dono Dal Jab Huwe Samane Run-Bhumi Mein Ladane Lage

Krodhit Ho Run-Chandi Chali Lashon Par Lashen Padne Lage

Bhagwati Ka Yeh Roop Dekh Asuron Ke Dil The Kaanp Rahe

Ladane Se Ghabrate The Kuch Bhaag Gaye Kuch Haanp Rahe

Asur Ke Saath Karodon Hathi Ghode Sena Mein Aaye

Dekh Ke Dal Mahishasur Ka Vyakul Ho Devta Gabhraye

Run-Chandi Ne Dashon Dishaoon Mein Woh Hath Phelaye The

Yudh Bhumi Mein Lakho Daityon Ke Sir Kat Giraye The

Devi Sena Bhag Uthi Reh Gayi Akeli Durga Hi

Mahishasur Sena Ke Sahit Lalkarta Aage Badha Tabhi

Ush Durga Ashathbhuji Maa Ne Run-Bhumi Mein Lambe Saans Liye

Shwans Shwans Mein Ambaji Ne Lakho Hi Gan Pragat Kiye

Balshali Gan Badhe Woh Aage Saje Sabhi Hathiyaron Se

Goonj Utha Akash Tabhi Mata Ke Jai Jai Karon Se

Prithvi Par Asuron Ke Lahu Ki Lal Nadi Woh Behti Thi

Bach Nahi Sakta Daitya Koi Lalkar Ke Devi Kehti Thi

Lakdi Ke Dheron Ko Agni Jaise Bhasmm Banati Hai

Vaise Hi Shakti Ki Shakti Daitya Mitati Jati Hai

Sinha Chadi Durga Ne Pal Mein Daityon Ka Sanghar Kiya

Pushp Devon Ne Barsaye Mata Ka Jai Jai Kar Kiya

Chaman Jo Sharda Prem Se Durga Path Ko Padhta Jayega

Dukhon Se Woh Rahega Bachta Man Vanchit Phal Payega

Huwa Samapat Doosra, Durga Path Adhyaya

Chaman Bhawani Ki Daya, Sukh Sampati Ghar Aaye