Chakshur Ne Nij Sena Ka, Suna Jabhi Sanghar

Krodhit Hokar Ladane Ko, Aap Huwa Tayaar

Rishi Medha Ne Raja Se Phir Kaha

Suno Tritiyia Adhyaya Ki Ab Katha

Maha Yodha Chakshur Tha Abhimaan Mein

Garajata Huwa Aaya Maidaan Mein

Woh Senapati Asuron Ka Veer Tha

Chalata Maha Shakti Par Teer Tha

Magar Durga Ne Teer Kate Sabhi

Kai Teer Devi Chalaye Tabhi

Jabhi Teer Teeron Se Takra Te The

To Dil Shur Veeron Ke Ghabrate The

Tabhi Shakti Ne Apni Shakti Chala

Vo Rath Asur Ka Tukde Tukde Kiya

Asur Dekh Bal Maa Ka Ghabra Gaya

Kharagh Hath Le Ladane Ko Aa Gaya

Kiya Vaar Gardhan Pe Tab Sher Ki

Bade Vegg Se Kharagh Mari Tabhi

Bhuja Shakti Par Mara Talvaar Ko

Vo Talvaar Tukde Gai Lakh Ho

Asur Ne Chalai Jo Trishul Bhi

Lagi Mata Ke Tan Ko Vo Phool Si

Laga Kanpne Dekh Devi Ka Bal

Magar Krodh Se Chain Paya Na Pal

Asur Haathi Par Mata Thi Sher Par

Layi Maut Thi Daitya Ko Gher Kar

Uchhal Sinh Hathi Pe Hi Ja Chadha

Vo Mata Ka Sinh Daitya Se Ja Lada

Jabhi Ladte Ladte Gire Prithvi Par

Badhi Bhadrakali Tabhi Krodh Kar

Asur Dal Ka Senapati Maar Kar

Chali Kali Ke Roop Ko Dhar Kar

Garajati Kharagh Ko Chalati Hui

Vo Dushton Ke Dal Ko Mitati Hui

Pavan Roop Halchal Machati Hui

Asur Dal Jammi Par Sulati Hui

Lahu Ki Woh Nadiya Bahati Hui

Naye Roop Apne Dikhati Hui

Maha Kali Ne Asuron Ki Jab Sena Di Maar

Mahishasur Aaya Tabhi Roop Bhains Ka Dhar

Garaj Uski Sunkar Lage Bhagne Gan,

Kai Bhagton Ko Asur Ne Sanghara

Khuron Se Daba Kar Kai Pis Dale,

Lapet Apni Punch Mein Kaiyon Ko Mara

Jamin Aasman Ko Garaj Se Hilaya,

Pahadon Ko Singhon Se Usne Ukhada

Shavashon Se Behosh Lakho Hi Kine,

Lage Karne Devi Ke Gann Ha Ha Kara

Vikal Apni Sena Ko Durga Ne Dekha,

Chadi Sinha Par Maar Kilkaar Aayi

Liye Shankh, Chakra, Gadha Padam Hathon,

Vo Trishul Parsa Le Talwar Aayi

Kiya Roop Shakti Ne Chandi Ka Dharan,

Vo Daityon Ka Karne Thi Sanghar Aayi

Liya Bandh Bhainse Ko Nij Pash Mein Jath,

Asur Ne Woh Bhainse Ki Deha Paltai

Bana Sher Sanmukh Laga Garajne Vo,

To Chandi Ne Haathon Mein Parsa Uthaya

Lagi Kaatne Daitya Ke Sir Ko Durga,

To Tuj Sinh Ka Roop Nar Ban Ke Aaya

Jo Nar Roop Ki Maa Ne Gurdan Udaai,

Toh Guj Roop Dharan Kiya Bil Bilaya

Laga Khenchane Sher Ko Sund Se Jab,

Toh Durga Ne Sund Ko Kaat Giraya

Kapat Maya Kar Daitya Ne Roop Badla,

Laga Bhainsa Ban Ke Upadrav Machane

Tabhi Krodhit Hokar Jagat Maat Chandi,

Lagi Netro Se Vo Agni Barsane

Damakte Huwe Mukh Se Pragti Vo Jwala,

Lagi Ab Asur Ko Tikhane Lagane

Uchhal Bhainse Ke Peeth Par Ja Chadhi Vo,

Lagi Panv Se Uski Deh Ko Debane

Diya Kaat Sar Bhainse Ka Kharagh Se Jab,

To Aadha Hi Tan Asur Ka Bahar Aaya

To Trishul Jagadambe Ne Haath Lekar,

Maha Dusht Ka Shish Dhad Se Udaya

Chali Krodh Se Maiya Lalkarti Tab,

Kiya Pal Mein Daityon Ka Sara Safaya

Chaman Pushp Devon Ne Milkar Giraye,

Apsaro Vo Gandharvo Ne Rag Gaya

Tritiya Adhyaya Mein Hai, Mahishasur Sanghar

Chaman Padhe Jo Prem Se Mitate Kasht Apaar